Neapalkuwait

बलात्कार र अत्याचारका सिकार बनेका दुई नेपालीचेली दूताबासको दैलोमा !

nepalkuwait — Fri, 26 Mar 2010 06:45:03 +0000

“आफनै मालिकबाट बलात्कार भएकी नेपाली चेलीकी छोरी हुन अर्बिदा”

सुजन के सि

मार्च २२ कुवेत, पूर्व घोषित तिथी अनुसार आज बिहान देखि नेपाली दूताबास कुवेतले आफ्नो कार्यकालको श्रीगणेश गरेको छ । यो ऐतिहासिक दिनको शुरु कुनै उध्घाटन समारोह नगरी स्वर्गिय गिरिजा बाबुलाई सम्बेदना श्रद्धाञ्जली अर्पण गरी गरिएको थियो । दूताबासले आजदेखी सेवादिन शुरु गर्ने खबर पाउन साथ आज पहिलो दिनमै ५० भन्दा धेरै पीडितहरुका निवेदन दूताबासमा दर्ता भए । ति मध्ये अधिकांश घरेलु कामदार रहेका छन् ।

आज दूताबास खुलेको पहिलो दिनमै धादिङ कि शान्ति तामाङ् दूताबासमा शरण लिना पुगेकी थीईन । दुई सन्तान कि आमा यि अधबैसे महिलाका आशु रोकिएका थिएनन । तीन महिना पहिला मात्रै कुवेत पुगेकी यि चेलीका आसुले सबैलाई भाबुक बनाएको थियो । दूताबासका कर्मचारीका सामु आफनो पिडा बताउन साथ दूताबासले उद्वार शुरु गरेको थियो । उनिसँग भएको फोनको आधारमा उनिलाई कुवेत पुराउने दलालको खोज तलासी गर्दै जादा एकजना ईण्डियन महिला सम्म दूताबास पुगेको थियो । दूताबासका कर्मचारीले ति महिला दलाललाई दूताबासमा बोलाई २ दिन भित्रमा नेपाल पठाउने सर्तमा सम्झौता गरि सान्ती तामाङ् को उद्वार गरेको छ । उनी २ दिन पछी नेपाल जादै चन । धन्यवाद नेपाली दूताबास कुवेत लाई

दूताबासमा न्याय माग्न पुग्नेहरु मध्ये अर्की महिला थिईन सिता सापकोटा – घरेलु कामदारको रुपमा भारतको दिल्ली हुँदै कुवेत पुगेकी सिता आफनै मालिकबाट बलात्कारको सिकार बन्न पुगेकी रहेछन । भगवानको देन भनौ वा भाग्यको खेल त्यो बलात्कारबाट उनी गर्भिणी हुन पुग्छिन र एक असाहय बालिकाको आमा बन्न पुग्छिन, अनी जोडीन्छ कुमारी आमाको नयाँ परिचय ।

उनीलाई सोही मालिकको घरमा नजरबन्द गरी रखिएको उनी बताउँछिन । बच्चा जन्माएको केही दिन पश्चात ईण्डियन डाईभरहरुको सहयोगमा उद्वारको झिनो आशा लिएर ईण्डियन दूताबास पुग्छिन । बिडम्बना भनौ त्यहाबाट पनि केही साहारा नपाई २ दिन दूताबासको बाहिर बिताउँछिन । सिताको लागि भगवानको दूत बनी ईण्डियन दूताबास पुग्नु हुन्छ समाजसेवी बर्तमान NRNA कुवेतका अध्यक्ष राजेद्र तामाङ्ग वहाँले आफनो घरमा लगी २ बर्षसम्म आमा र बच्चाको पालन पोषण गर्नु हुन्छ ।

कुवेतमा कार्यरत नेपाली समाजका बुद्धीजिवि समाज सेवकहरु मिली सितालाई न्याय दिलाउन अदालतसम्म पुगिन्छ । कुवेत पुलिसले ति अभियोगीलाई थुनेको कुरा पनि सिता बताउँछिन । तर अदालतले बोलाएको बेलामा अदालतमा पुग्न नसक्नु, नेपाली दूताबास सउदी अरबले आवश्यक दस्ताबेज समयमा उपलब्ध गराउन नसक्नु । उनी दूताबास साउदी अरब प्रति निकै गुनासो पोख्दै उनि थप्छिन कुवेतमा समाज सेवकको नामले चिनिने व्यक्तिको धोखा खडीले गर्दा आफुले न्याय नपाएको ।

उनीसँग भएको भिसाको अवधि सिध्दिए पश्चात उनी गैर कानुनी रुपले बस्न बाध्य हुन्छिन । गैर कानूनी भए पछि पनि उनिले अदालतको ढोका नठोकेकि होइनन । तर एउटी वेसाहारा, अबैधानिक महिलाले वकिलको खर्च कहाँबाट चुकाउनु ? नेपाली समाजका केही व्यक्तिहरुले मुद्दा अदालतसम्म पुर्याइदिएका हुन तर अदालतको लामो प्रकृयासम्म निरन्तर दिन नसक्दा उनी एक्लै पर्छिन । मान्छे भएपछि जीवन धान्न जे पनि गर्नु पर्छ भने झै उनी पनि आफू र आफ्नो बच्चाको पेटपाल्न के के गरिनन र । उनीले निरन्तर संघर्ष गरि राखिन।

कुवेतमा नेपाली दूताबासको स्थापना होला र न्याय पाउँला भन्ने आश लिएकी सिता आज १० बसन्त पार गरेकी छोरी अर्बिदालाई साथमा लिएर दूताबासमा न्याय माग्न पुगेकी थीईन । अर्बिदा स्कुल जान चाहन्छिन तर उनी अवैधानीक भएकोले स्कुल पनि जान सकेकी छैनन् । उनी पढाई लेखाइ गर्ने र बाबु को हो त भन्ने जान्न चाहन्छिन । नेपाली र हिन्दी मिसाएर बोल्ने अर्बिदाको नेपाली दूताबास कुवेतले कस्तो वकालात गरिदेला त ? के नेपालीदूताबास कुवेत र नेपालीहरुले उनीलाई न्याय दिलाउन सक्लान ? उनिको मुद्दा हेरी न्याय दिलाउने दायित्व नेपाली दूताबासको होइन र ? हामी सबै नेपाली मिली अर्बिदालाई स्कुल पठाउने हाम्रो कर्तव्य होइन र ? कहाँ गए ति नेपालीको लागि भनि खोलिएका संघ संस्था ? कस्ले सहयोग गर्ने त यिनलाई ? को हुन त आर्बिदा नेपाली वा ??? के हो त उनको परिचय ? नेपाली आमाबाट जन्मेकी नेपाली चेली हुन भन्नमा त कसैलाई शंका नहोला

कुवेत दुतावासले काम शुरु गर्यो, श्रमले अप्ठ्यारो पार्यो

nepalkuwait — Fri, 26 Mar 2010 06:38:55 +0000

तोयानाथ उपेक्षित
नेपाल सरकारको श्रममन्त्रालयले विदेश जान खोज्ने नेपालीहरुलाई अन्धाधुन्ध श्रम स्वीकृती दिने प्रबृतीले एकातिर अधिकारको लडाई शुरु भएको छ भने अर्कातिर दुतावासले अनावश्यक बोझ खेप्न परेको छ । वैदेशिक रोजगार व्यवस्थित गर्न बनेको श्रम ऐनमा दुतावासको कुनै पनि भूमिका नहुने कुराले प्रवासका वास्तविक समस्या विद्यमान कानूनले सम्बोधन गर्न नसक्ने कुवेत स्थित नेपालका प्रथम राजदुत मधुवन प्रसाद पौडेलको तर्क छ । उहाँ भन्नुहुन्छ विगतमा श्रम मन्त्रि रघु जी पंत समक्ष दुतावासको भूमिका श्रम ऐनमा हुन पर्ने कुरा आफुले राखेको तर सकरात्मक प्रतिकि्रया रहे पनि ऐनमा दुतावासको कुनै भुमिका नरहने विध्यमान व्यवस्थाप्रति उहाँले आपत्ति प्रकट गर्नुभयो ।
राजदुत पौडेलले कुवेतमा पाईला राखेको एकसय सात दिन पछाडी आजै अर्थात 22 मार्चका दिन वाट सर्वसाधरणको कामको विधीवत थालनी गरिएको सन्दर्भमा नेपाल कुवेत डट कम सँग कुरा गर्दै राजदुतले भन्नुभयो विगतमा हामीले राम्रो श्रम बजार भएको कुवेतमा नेपाली कामदार झिकाउदा सम्बन्धित सरोकारवालाहरुले दुतावासले तोकेको मापदण्ड पुरा गर्न पर्ने केही विशेष शर्तसहितको फारम ड्राफ्ट गरी स्वीकृतीका लागि नेपाल स्थित श्रम मन्त्रालयमा पठाईएको भएपनि श्रमले स्वीकृती प्रदान गर्न त कता हो बरु त्यसलाई रोकेर राखेकोमा राजदुत निक्कै आक्रसित हुनुहुन्थ्यो । दुतावासलाई वाईपास गरेर यहाँवाट भिषा जाने र श्रमले अन्धाधुन्द मान्छे पठाईरहने कार्यले हामीलाई काम गर्न अप्ठ्यारो पार्छ नै । उहाँ भन्नुहुन्छ समस्या जति दुतावासले हेर्न पर्छ भन्ने श्रमको मान्यता हो भने दुतावासको सुझावहरुले पनि ऐनमा ठाउँ पाउन पर्दैन ? उहाँको प्रतिप्रश्न थियो । महिलाकामदारहरुका समस्याका सम्बन्धमा कुवेत सरकारका निकायमा समेत कुरा राखिएको तर यो समस्याको निराकरणमा यी यी कुरा भए पठाउछु नत्र पठाउन्न भन्ने अधिकार नेपाल सरकारलाई भएकाले यहाँ दुतावास प्रवेश गराउन पर्ने नेपाल दुतावासको माग बाध्यकारी नहुने यहाँका अधिकारीको तर्क राजदुतले सुनाउनु भयो । उहाँ अगाडी थप्नुहुन्छ कुवेत स्थित कार्यरत महिलाहरुको वेचविखन गर्ने एजेन्सीहरु नेपाल सरकारको श्रम मन्त्रालयको बुझाईमा संगठित क्षेत्र हो तर वास्तविकता त हामीलाई थाह छ नी उनीहरु के हुन र के गर्दछन ।
एउटा काममा भनि आएको मान्छेलाई अर्कै काममा नलगाओस भनि दुतावासले तयार गरेका मापदण्डहरु श्रमले स्वीकृत नगरे पनि कुवेत दुतावास सो लागु गर्ने कुरामा प्रतिवद्ध रहेको बताउदै राजदुत भन्नुहुन्छ नत्र काम गर्न सकिन्न आईपर्ने समस्याको जिम्मेवारी पनि श्रमले नै लिन पर्छ । आजै मात्र केही महिलाहरुका उजुरीहरुलाई सुनुवाई गरिएको तथा केही कागजी कामहरु भएको बताउदै राजदुत भन्नुहुन्छ नेपालबाट आएका पुलिस रिर्पोटहरु नै नक्कली पाईए, हामी तिनलाई प्रमाणीत गर्ने पक्षमा छैन । नेपालीहरु ईन्डियाकोबाटो हुदै नेपाल आउन बन्द भएकै हुन त ? भन्ने एक प्रश्नमा राजदुत पौडेलले भन्नुभयो विगतमा नेपालकुवेत डट कम ले प्रकाशित गरेको समाचार पढेपछि हामी मुम्वाईको प्लेन अवतरणका समयमा कुवेत विमानस्थल गयौ र त्यसवाटो हुदै पाँच छ जनाको संख्यामा नेपालीहरु आएको पनि पायौ तर विमानस्थलमा कार्यरत कर्मचारीको बुझाई ईन्डियावाट आएका नेपालीहरु पनि ईन्डियन नै हुन भन्ने रहेछ, त्यसलाई चिर्ने र नेपाल सरकारको परराष्ट्र मन्त्रालयलाई दिल्ली लगायत अन्य ठाउँबाट समेत नेपाली नपठाउन भारतलाई अनुरोध गर्न भन्यौ ।
स्वर्गिय नेता गिरिजा प्रसाद कोईरालाको शोक मनाउन राखिएको शोक पुस्तिकामा हस्ताक्षर गर्न आएका विभिन्न देशका कुटनितिज्ञ समक्ष बातचितमा राजदुत व्यस्त रहनु भएको थियो भने कर्मचारी दुतावासको टेलीफोन समेत उठाउन नभ्याईरहेको अवस्थामा केही सेवाग्राहीको प्रश्न डट कम लाई आएको थियो, के तपाईहरुले दिएको नं दुतावासकै हो ? उठदैन त ?
दुतावासद्धारा राखिएको शोक पुस्तिकामा हस्ताक्षर गर्न पुग्नु भएका पत्रकार सुजन केसी का अनुसार उक्त पुस्तिकामा हस्ताक्षर गरी शोक व्यक्त गर्न नेपाली संघ संस्थाका प्रतिनिधी र प्रबुद्ध प्रवासीहरु पुगेका थिए । जसमा पोहिलो हस्ताक्षर एन आर एन कुवेतका अध्यक्ष राजेन्द्र तामाङ, सगरमाथा क्लबका अध्यक्ष किरण पौडेल,बुद्धिजीजवी प्रेम शाह, पत्रकार सुजन केसी लागायत पच्चिस भन्दा बढीले हस्तार गरेका थिए भने दुई सय भन्दा बढी विदेशीहरुले हस्ताक्षर गरेका कुरा दुतावासवाट सुजन केसी ले टेलीफोन सम्पर्कमा बताउनु भयो

आदरणिय कुवैतवासी नेपाली दाजु-भाई तथा दिदी-वहिनीहरुमा सार्वजनिक अनुरोध

nepalkuwait — Tue, 23 Mar 2010 10:49:59 +0000

आफ्नो कला आफ्नै गला र आफ्नै संस्कृती बोकेर प्रवासको यस मरुभूमिमा उदाउँदा कलाकारहरुको संस्था नेपाल कुवैत सांस्कृतीक मंञ्चका साथमा यूनिटी लाईफको जनजागृती टीम कुवैतको साथ रहेको नेपाली सांस्कृतीक कार्यक्रम भव्यताकासाथ सफल पारौं ।
विगत दिपावलीमा आयोजित सांस्कृतीक प्रहसनको भव्य सफलताबाट प्रोत्साहित नेपाल कुवैत सांस्कृतीक मंञ्चले पलायन प्रतिभाहरु र नव प्रतिभाहरुलाई कुवैतमा संगठित गरेर नेपाली नयाँ वर्षको स्वागतमा प्रहसन गर्न लागेको यो दोश्रो प्रस्तुती अप्रिल महिनाको १६ तारिकका दिन जिलिब अल सोयख स्थित इन्टीग्रेटेड ईंडियन स्कुलमा हुदै छ । रेडियो नेपाल देखि विभिन्न गीती एल्बमहरुमा आफ्नो स्वरले नेपाली मनमस्तिष्कमा डेरा जमाईसकेका तथा खारिएका कलाकारहरु सुश्री रत्ना बराल, राजेन्द्र विरही, चन्दन लिम्बु ,मनोज काफ्ले,खगेन्द्र सिटौला, गोविन्द बराल,बि बि मल्ल,माधव शर्मा, अनिल रसाईली,अर्जुन तामाङ, ,केदार खड्का, लगायत थुप्रै उदयीमान कलाकारहरुका स्वर र उत्कृष्ट नृत्य कलाकारहरुका एकल, युगल र सामुहिक नृत्यहरुमा माधव,काजल,राहुल,भिम, बनिता,मनिता,कुशल, केशव,डोल्मा,सविना,सुरज,संगिता, सुनिता,मिना राई,आस्था,देव लिम्बु सहितका नृत्यकारहरुको मनोरन्जनपूर्ण कार्यक्रम हेर्न नभूलौं ।
“नेपालकुवैत सांस्कृतिक मंञ्च” तथा “युनिटी लाईफ जन-जागृती टिम” कुवैतको संयुक्त आयोजनामा हुन गईरहेको उक्त सांस्कृतिक कार्यक्रममा आफ्नो कला संस्कृतिको सम्बर्धन र विकासका लागि आफै लागौं भन्दै “हाम्रो संस्कृति हाम्रो पहिचान”भन्ने मूलनाराका साथ गरिने उक्त कार्यक्रममा यहाँहरुको गरिमामय उपस्थितिका लागि हार्दिक उनुरोध गर्दछौं ।

मिती :- 2010 अप्रिल 16 शुक्रवार दिनको ३ बजे

स्थान :- इन्टीग्रेटेड ईंडियन स्कुल- अब्बासिया, फायर स्टेशन नजिकै, कुवैत

( जिलीब अल शोयखको पुलिस स्टेशनको रोडबाट सिधै अगाडि राउण्ड बोर्डबाट बाँयातर्फ अगाडिबाट युट्रर्न लिनासाथ दाँया तर्फ देखिने ठूलो स्कुलमा कार्यक्रम प्रस्तुत हुनेछ । सिटी बसको समेत राम्रो सुविधा रहेकोछ ।

सम्पर्क व्यक्तिहरु :-

आश बहादुर नेपाली-मुर्गाव ५५०७२२७८, कुमार नेपाली-चर्च ५५०७३८८४, कृष्ण मल्ल-मालिया ६५८९५५६५ नवराज पन्थी ६७७२८०१३, गंगा राई ५५४७५३७७, पूर्णिमा किराँत राई ६५८९९२५६ र माधब शर्मा-फरवानिया, ९७४६०२६५ , सौगात सुवेदी-शोयख ५५३९५६२३, खेम गिरी-रिगाई ६५५६४६३४, राजेन्द्र विरही ६७७४९३६१ र मनोज काफ्ले-आम्घरा ९९६४६१८३, टिकाराम आचार्य ९९२६६३१४ र दीपक क्षेत्री-अब्बासिया ९९३२८०६३, ठाकुर प्रसाद पौडेल सालमिया ५५४६३२९१,राजन रिमाल हवाल्ली ६५९६५२३०,तोया नाथ दाहाल-महाबुल्ला ९७३४८०२७ आर.बि.बुढाथोकी-मंङ्गाफ ६६११५३६८, आनन्द आचार्य ९९२१७८९४/६७७८९४१५ र ईश्वरी प्रसाद काफ्ले-फहाहील ६६६५२१५०, केदार नाथ खरेल-खेतान ५५३३०४२७ रहेका छन् ।

पुनश्च : आफुलाई पायक पर्ने ठाँऊको टेलिफोन नम्बरमा सम्पर्क गरी छिट्टै आफ्नो सिट सुरक्षित गर्नुहोला ।

आयोजक कमिटी

नेपालकुवैत सांस्कृतिक मंञ्च तथा युनिटी लाइफ जनजागृती टीम, कुवैत

नेपालको निरासजनक प्रदर्शन इण्डियन चुर्चिलसँग ३ को विरुद्ध १ गोलले हार

nepalkuwait — Tue, 23 Mar 2010 10:47:52 +0000

सुजन के सि

मार्च १९ कुवेत, एसियन फूटबल लिग कुवेत सिजन वान गोल्डकप फूटबल टुर्नामेण्ट अन्तरगत हिजो खेलिएको नेपाल र इण्डियन चुर्चिल बिचको खेलमा नेपालले न राम्रो हारको सामना गर्नु पर्‍यो । सोयख फूटबल मैदान मा खेलिएको उक्त खेलमा नेपालीले निकै राम्रो शुरुवात गरेको थियो । आक्रमक सैली अपनाएको नेपाली टिमले खेल को २६ मिनटमा गोल गरी ईन्डियालाई दबाबमा पारेको थियो । पहिलो हाफमा ६५ प्रतिसत बल नेपाली टिमको साथ थियो । हात टाईम्स सम्म नेपाल १-० ले अगाडि थियो ।

सेकेन्ड हाफ ईण्डियन चर्चिल नाम रयो खेल शुरु भएको ८ मिनटमा ईण्डियाले पहिलो गोल गरी स्कोरे बराबरी गरेको थियो । तेस पश्चात खेलको रुप चेन्ज भयो, नेपाल दबाबमा देखियो र रक्षात्मक निती अपनायो यस्को भरपुर फाईदा उठाउदै ईण्डिया लगातार आक्रमक गर्‍यो र थप दुई गोल गर्‍यो । खेलको समापन नेपालको ३ का बिरुद १ गोलका साथ भयो । मैदानमा उपस्थित खेल प्रेमी तथा बुद्दीजिबीका अनुसार -हारको कारण सेकेन्ड हाफ पछीको रक्षात्मक रणनितीलाई मान्छन । हुन पनि नेपाली पुरै टिम नेपाली गोलकिपर को इर्द गिर्द देखिन्थे । नेपाली दर्शकले भरिएको मैदना खेलको अन्तहुँदा खेलाडी मात्रै देखिन्थे । ईण्डियन टिमले यती राम्रो प्रदश गरेको थियो कि नेपाली खेलाडीले बल गूड्एको कमै देख्न मिलेको थियो । खेल पश्चात टिमका केयाप्टेन जितेन गुरुङले भन्नु भयो । हाम्रो खेलाडीमा फिटनेशको कमी देखियो खेलाडीहरु थाकेर रनीङ गर्न नसक्नु मुख्य कारण राहेको बताउदै ईण्डियन टिम धेरै राम्रो खेलेको बताउनु भयो ।

यो हारका साथ नेपालको सेमी फाईनल खेल्ने सपना चक्नाचुर भएको छ ।

Filed under: समचार

« कोइरालाको संघर्षमय जीवनी नेपाली राजनीतिका शिखर पुरुष प्रती हार्दिक श्रद्धाञ्जली ! »

2 Responses

khelpremi, on March 21, 2010 at 6:37 am Said: Edit Comment

Jiten jyu fitness ko kami hoina<< hajur le choose gareko kheladi nai usta hun, sabai alghanim ko maara rakhna khoje pachhi kaha baata gatilo hunchha?yo company company bich ko game hoina yo ta desh ko netritwo ho so kina swarthi bannu vayo?kina kheladi change garnu vayena jaba ki secand half maa alghanim company thakera hairan vayeko thiyo.

any good news sujan sir

Reply
kaluman & hima rai jhapa, on March 21, 2010 at 6:44 am Said: Edit Comment

सुरुमा राम्रो गरेर के गर्नु सुजन सर पछी हावा खए पछी सुरु र् अन्तिम उस्तै भएनर ?जे होस् राम्रै मन्नु पर्छ नेपाली खेलाडी हरुलाई

“लाखौं दियो जलाउने शुभ-कामना मरुभूमिको कोसेलीलाई

nepalkuwait — Tue, 23 Mar 2010 10:44:43 +0000

“लाखौं दियो जलाउने शुभ-कामना मरुभूमिको कोसेलीलाई

शान्ति समृद्ध अनि जनमुखी स्वतन्त्रता सबै नेपालीहरुलाई।”

बालक गुरुङ

गत १९ फेब्रुअरीका दिन मरुभूमिको कोसेली विमोचनको क्रममा नेपाल कुवैत डट कमबाट आयोजित त्रैयमासिक पत्रिका “मरुभूमिको कोसेली”विमोचन कार्यक्रमलाई विशेष रुपमा विश्लेषण गर्नु पर्दा समाजको उन्नतशिल आम व्यक्ति,संरचना,राष्ट र नागरिकहरुका लागि सेवक र कर्तव्यनिष्ट संचारकर्मी एवं व्यक्तित्वहरुको यो प्रसंशनिय अथक प्रयास सेतो सफा पानीमा छर्लङ्ग देखिने रमाई रहेको मनमोहक माछाको रुपमा लिन सकिन्छ। ति दुर्लभ वस्तिहरुमा लडदै-बढदै,अपुर्ण सामाग्रिको विद्यालयमा शिक्षा आर्जन गर्दै तनाबग्रस्त राज्यमा असम्भव रोजगारीको कारणले यो मरुभूमि कै एउटा सानो कुनामा अनि विकशित शहरमा जीवन खोज्न वाध्यतावश आएका संचारकर्मीहरुको यो शिक्षा मूलक अभियानले झनै पारदर्शी मन-मस्तिष्क सावित भएको छ।

विमोचनको लागि व्यवस्थित प्रकृयात थियो नै त्यसमा पनि कुवैतको लागि प्रथम राजदूत श्री मधुवन प्रसाद पौडेल ज्युको प्रमुख आथितित्वले अनि हुबहु संचार तथा साहित्य प्रेमीहरुको उपस्थितीले विमोचन कार्यक्रमलाई महत्वपूर्ण प्रमाणिकरण रहेको पाईन्छ। पुस्तको स्तरियता आफ्नै ठाउँमा छ र पनि पुस्तकसँग जोडीएका साना तिना त्रुटीहरुबारे पाठकहरुले संपादकलाई संकेत गर्ला नै अनि यसको महत्व, आवश्यकता र सुदृढीकरणको लागि बुद्धिजिविहरुले समिक्षा अवश्य गर्लान पक्कै पनि आउँदा अंकसम्म। पुस्तकको मुल्य स्वभाविक छ कुवेत दिनार ५०० फिल्स. पाठकहरु सलवलाइ रहेका थिए एक प्रति किन्न तर मञ्च भित्र लहरै बसेका अतिथिहरुले खरिदको लागि ठूलै धनराशीको साथ चलाएको होडबाजीले कोही सर्वसाधरण तर्सीरहेका थिए भने प्रकाशक एवं प्रबन्धकको लागि बरफ हैन सुनकै असिना सावित भएको थियो र यो होडबाजी प्रकाशक एवं प्रबन्धकको लागि आवश्यकताको विषय नै थियो किनकि यस्ता संरचनाको लागि समय र मेहनतको लगानी त छँदैछ र पाठक समक्ष पुर्याउन धन राशीको पनि उत्तिकै आवश्यकता पर्दछ । अन्यथा जो कोही कसेको शिप, कला र शिक्षा मूलक कृतिहरु विलाशिताको साधन बन्न सक्छ। जे होस्, वधाई छ प्रकाशक एवं प्रबन्धक तथा सम्पूर्ण सञ्चारकर्मी टिमहरुलाई समेत छ।

“मरुभूमिको कोसेली” विमोचन तथा विक्री वितरण कार्यक्रमको विशेषता त थियो नै! मुलतरुपमा उल्लेख गर्नु पर्दा, कुवैतमा पेशारत केही व्यक्तित्वहरुले समयको सांगुरिलो आयतनमा भित्र रहेर पनि विभिन्न क्षेत्रहरुमा विशेष योगदान दिने समाजका श्रष्टाहरुलाई सम्मान एवं पुरस्कृत गरिनुले, “मरुभूमिको कोसेली” तथा नेपालकुवैत.डट.कम ले महत्वकांक्षी एवं अविस्मरणीय इतिहास कोरेको छ। यो वैदेशिक नेपाली प्राङ्गणमा ६ जना विभिन्न कलाकार, साहित्यकार, पत्रकार, समाजसेवी, उत्कृष्ट खेलाडी र कम्प्युटर विधामा दिइएको सम्मानले समाजमा सृजना र विकाशको पथमा अघि बढ्नैपर्छ भन्ने पक्षमा हौसला प्रदान गरेकोछ। उदाहरणको लागि मेरो आफ्नै अभिव्यक्ति राख्न वाध्य छु, यो कुशलकार्यको लागि किनकि हिजोसम्म मेरो विचारहरु उदार, विकाशका धारणाहरु, शिक्षामुलक संरचनाहरु साथिहरुसँग सहकार्य गर्दा पाठक समक्ष संचार पुर्याउँदा यस कुवैत नगरीमा कुनै संघ संस्थाले र निकायबाट सम्मानित हुनेछु भन्ने मेरो मनमा कुनै सोच र पहल थिएन, जुन मरुभूमिको कोसेली-नेपाल कुवैत डट.कम ले दिएको सम्मान उत्कृष्ट साहित्यकार बर्ष पुरस्कार २००९ घोषणा गरि प्रदान गरेको छ। अझ दृढताको साथ भन्नु पर्दा सुक्दै गैरहेको मेरो कलममा मसी भरि दिने काम गरेको छ। यस अर्थमा पनि म मरुभूमिको कोसेलीलाई लाखौं लाख दियो जलाउने शसक्त संचार माध्यमबाट मौलाई रहेको नेपालकुवैत डट.कम.का संचारकर्मीहरुलाई सुवर्ण अवसर मिलिरहोस भनि शुभ-कामना व्यक्त गर्न चाहन्छु। विभिन्न क्षेत्रमा योगदान दिई सम्मान एवं पुरस्कृत हुनु हुने मित्रहरु प्रति आ-आफ्नो भूमिका अझ प्रगाढ र सृर्जनशिल रुपमा अघि बढाउन अनुरोध एवं सहकार्य गर्न चाहन्छु एवं प्रकार मेरा शुभ चिन्तक र सर्वसाधरणहरुमा मैले प्यारो जुन सम्मानित पुरस्कार सबैमा भागबण्डा गर्न चाहन्छु । किनकि हाम्रो शिप, कला, कृति तपाई हामी सबैको साझा सम्पति हो। शुभ-चिन्तक एवं पाठकहरुको माया-ममता र सहयोग बिना संचारका कुनै पनि सामाग्री जनमानसमा पुग्न सक्दैन, मौलाउन सक्दैन, फस्टाउन सक्दैन। अस्तु।

बालक गुरुङ

उत्कृष्ट साहित्यकार बर्ष २००९

पुरस्कार विजेता-कुवैत

कुवेतमा नेपाली दलालले विदेशी नागरिकलाई कोठामा बोलाई बलत्कार गर्न लगाए

nepalkuwait — Tue, 23 Mar 2010 10:43:28 +0000

राजन रिमाल

सुन्दा अचम्म लाग्ने पत्याउनै नसकीने तर पत्याउन पर्ने हो यस्तै भएको छ एउटा नेपालीले नेपाली चेलीलाईनै विदेशी नागरिकलाई कोठामा बोलाई बलत्कार गर्न लगाईएको छ यो दन्त्यकथा भने होईन अहिले झापा सुरुङगाकी कला खनालको कथा हो यो धन कमाई घर गुजरा चलाउने र भएको सन्तान लाई लालन पालन गरि बोर्डिङ स्कुलमा पढाउने आशा बोकेर ५ महिना पहिला छिमेकी दाजु पर्नेको साथ लागि दिल्लिको बाटो हुदै कुबेत छिरेकी थिईन उनि तर समयले भिन्दै मोडलियो उनि बिरामी परिन र मालिकको घरमा राम्ररि काम गर्न सकिनन । उनि आफुलाई काम दिने एजेन्सीका नेपालीलाई पटक पटक घर पठाउन बिन्ति बिसाईन । फलस्वरुप ती नेपालीले आफ्नै कोठामा ऊनिलाई बलत्कार गराउनका लागी बिदेशी नगरिक बोलाए उनि उसको पञ्जा बाट फुत्कि हार गुहार माग्दै बचाउ बचाउ भन्दै पुन: एजेन्टको कोठामा पुगिन तर उल्टै झ्याल बाट खसालेर मारि दिने धम्की दिए उनी बाध्य भईन, फेरि अर्को घर फेरियो आङ खस्ने बिमार भएका कारण काम गर्न सकिनन र त्यो घर छाडि ति दलालको फन्दा बाट भागी आफ्नै चिने जानेकी दिदिको सहारालिईन र आफ्नो आत्मरक्षा र न्यायको माग गर्दै स्थानिय एजेन्ट प्रेम ढकालको नाममा कार्बाहि गरिदिन अनुरोध गर्दै लिखितरुपमा नेपाली दुतावास कुबेतमा २०१० मार्च १७ मा निवेदन चढाईन, यिनकै बारेमा केहि बुझ्न खोज्दा निज ढकाल ले एन आर एन कुवेतका सचिव सुजन के सी लाई कोहि अरबिक नागरिक लागाएर धम्काएका थिए तर दुताबासले कानकीमान गरे पछि उनको स्पोन्सर ले आजै मार्च २० तारिकको टिकट तयार गरिदिए जे होस उनि लाई धन्यबाद टिकट दिएकोमा उनि आजै नेपाल जानका लागि नेपाली दुतावास कुवैतका कर्मचारि मित्र सिन्जालीले बिहानै एयरपोर्ट लिएर पुगेको बुझीएको छ । जे होश उनि नेपाल गईन तर उनि माथी कति न्याय भयो त ? यो बिषयले अझै सम्बन्धित पक्षलाई सोच्न बाध्य बनाएको छ । उनको निबेदनको आशय यहिनै थियो त ? हामी चाहान्छौ यस्ता काम धन्दा बिगारनेहरुलाई दुतावासले कार्वाहि गरोस। नेपाली दुतावास कुवेतले बिधिबतरुपमा काम २२ मार्चबाट शुरु गर्ने भए पनि अहिले सम्म धेरै पिडित नेपालीहरुलाई सहयोग गरेको छ । केहि महिना पहिला भोजपुर च्याङरेका ईन्द्र कार्कि पत्थरिको बिमारबाट पिडित थिए, उनिलाइ आबश्यक कागजात नेपाली दुतावास कुवैतले मिलाई एन आर एन कुवैतले टिकटको व्यवस्था गरेको थियो भने जेलसम्म पुगि टिकट पासपोर्ट बुझाउनेकाम एन आर एन कुवैतका उपाध्यक्ष धर्मराज गिरिले गरेका थिए, त्यस्तै अर्कि काठमाण्डौकी केशु खड्काको पनि ९ महिना सम्म बेखबर रहेकि उनिलाई एन आर एन कुवैत, स्थानिय पत्रकार र नेपाली दुतावासकुवेतको सहयोगमा स्पोन्सरले टिकट काटि घर पठाउने काम भएको थियो । दुतावासबाट प्रत्यक्ष वा अप्रत्यक्ष रुपमा धेरै नेपालीहरुले सहयोग पाएको बुझिएको छ । शुत्रका अनुसार दुतावासले मार्च २२ देखि विदाका दिन बाहेक अरु दिन अव दुतावास बाट पाउने सवैखाले सेवा दिन दुतावास तयार रहेको बुझिएको छ । तर दुतावास सन्चालनका लागि यो पहिलो चरणमा हामी संपुर्ण नेपालीहरुको उत्तिकै भुमिका रहन्छ किनकी यहाँ देखिएका नेपाली समाजका थुप्रै बिसंगति र बिकृतिहरु जस्तै घुम्ति देह ब्यपार गर्ने गरउने,घरेलुकामदार भाग्ने भगाउने,भेडाबाख्रा जस्तै नेपाली चेलिवेटि बेचविखन गर्ने वा गर्न सहयोग गर्ने र अरु थुप्रै कुवैतको कानुनले बन्देज लगाएका कामहरु गरेर नेपालीहरुको इमान्दारिता प्रति प्रश्न चिन्ह खडागरि ब्याक्तिगत स्वार्थमा रम्नेहरुलाई एक एक गरि नेपाली दुतावासको सहयोग बाट निमिट्यान्न गरिएन भने हामी ति दिन पर्खन बाध्यहुने छौ जुन दिन हाम्रा छिमेकि केहि राष्टहरुले भोगि राखेका छन । हामीले जे रोप्छौ त्यहि पाउछौ, हामी जस्तो सन्देश दिन्छौ उस्तै जान्छ । जे भए पनि हामीले आफ्नो अधिकार प्रयोग गर्दा अर्काको अधिकारको हनन नगरौ,यानि आफ्नो नाकको झिङगा धपाउदा अर्कोको चिउडोमा कुइनो नठोकौ कुनै सहयोगका लागि सिधै नेपालीदुतावास कुवैतको टेलिफोन २५२४३२५४ मा सम्पर्क गरि आफ्नो समस्या राखौ दुतावासले हाम्रो काम नगरे कस्को काम गर्छ । हामीले दुतावासलाई सकारात्मक सोंच राखी सहयोग गरौ यो शिशू अबस्थामा छ सुझाब दिउ बिरोध होईन ।

0.000000 0.000000

Filed under: समचार

« सरकारका लागि बाटो खोल्न प्रचण्डको आग्रह “लाखौं दियो जलाउने शुभ-कामना मरुभूमिको कोसेलीलाई »

17 Responses

shiva dev pandey, on March 20, 2010 at 11:17 am Said: Edit Comment

je hoss dutabas le ali kati tagada rup ma kam garnuparyo dherai bichalit cha nepali cheliharu kuwait ma

Reply
dambar prasad rimal, on March 20, 2010 at 11:49 am Said: Edit Comment

thanks alot for this kind of news bor

Reply
Nisha shahi ( salmiya), on March 20, 2010 at 12:31 pm Said: Edit Comment

news ko lagi dhanyabad, tara tyo pidit didi ko uddesya matra nepal janu thiyo ta nij prem dhakal lai kina karbahi huna sakena yasko jawaf hamilai chahiyo,

nisha shahi, raj thapa, umesh khadka ra sathiharu.

Reply
- ma nepali, on March 20, 2010 at 2:28 pm Said: Edit Comment
  
  nisha shai ji , yo prem dhakal bhanni manab taskar laai phone gari timi le yo nepali cheli la kina yasto gareko bhani bhanda bideshi haru lagayr jel ma sadauni dhamki diyako thiyo bhanne kura hajru le news ma dekhnu bhayna usle bhaneko thiyo gare malai phone gari kunai nepali le sodhane adhikar chhina jasle mero barema kura garchha tesla kuwait ma sadauchhu bhani yo hamr nepali cheli beti la dukha dine apradhi ho hami sabai nepali miler yasko karbahi garnu parchha
  
  Reply
krishna pandey, on March 20, 2010 at 12:34 pm Said: Edit Comment

ramrai kam gardai chha ajai khojtalas garera nepaliharu ko sabai kura haru patta lagaunu paro sabai nepali

Reply
anil and family, on March 20, 2010 at 2:31 pm Said: Edit Comment

nepali embassy le yo manchhe la karbahi garn sakchha ki sakdain yasta dalal laai karbahi garna nasakne bhay embassy le k garna sakchha yo mero questin rajdoot jyu la ho ho

Reply
dainiki news, on March 20, 2010 at 2:47 pm Said: Edit Comment

rajdhutabasko kam etimai simit ho jun ki 1nepali nari matti kasale gharmai bideshi bolai jabar jasti balatkar garau6 vane tiket dilai nepal matra puryane kam hoina ki usalai pani naaya dilauna par6 kadha vandha kadha sajaya dilaunu par6 kina ki ayastou ghatna feri nadouros 1 balkrit nari bichar nepal janu samma ko sawal hoina ki dalla lai yastou kina garaiyo vanera sajaya dilaunu hami anurodha gardhachhau

Reply
nigam, on March 20, 2010 at 3:04 pm Said: Edit Comment

yo samachar lai patrikama dinu thulo kuro hoina tara pidit le naya paunu parne ho ghar pathayara matra samasya ko samadhan hoina ra prem dhakai lai karbai garnu parne ho yo ghatanale dalal prem dha kal ko manobai badna sak6 yedi duta basle kina kan ma tel halera baseko6 hami usa lai kar bahi vayako herna chahana nepali haru kina ki yo ghatana phe ri kunai nepali chohri mathi na dohoriyos ra prem dhakai jasta aru kunai na janmiyos yahi ham ro chahana ho

Reply
Surya Budha ( QATAR ), on March 20, 2010 at 5:10 pm Said: Edit Comment

nepali cheli lai patak patak bideshi leta dukha diyakae thiyo tesma pani aafnai didi baini jasto eak dukhama pareki cheli lai sahayog garna cgadera jhan tsto apradik kam garaunan lagaune toy ajent hina dalalale dhikar chha nepali vhanni jinuma ani asta kahalka dalal harulai kathor sajaaya dinu parchha . tapaiharu patrakar mitra asto dar dham ki dekhaula tara katham kadachit bichalit navhai dukhama pareka nepali daju vhai ani didi bainiko sadhai sahayo gardai janus thnak you very much patrakar mitra yo news hami sabai bich puraunu bhayako ma tapahile nepali ko dahityo nibaunu bhayako chha

Reply
Rajesh Rai, on March 20, 2010 at 8:15 pm Said: Edit Comment

त्यो नेपाली को हो जसले नेपाली केटीलाई नै बिदेशी बाट बालात्कार गर्न लगायो????? त्यो नेपालीको घरमा पनि छोरी र बैनीहरु हुनुपर्छ तिनीहरुलाई पनि बिदेशी लाई सुम्पेर बलात्कार गर्न लगाउनु पर्छ त्यस्पछी त्य्सलाई थाहा हुन्छ की बालात्कार के हो । । । । ।
राजेश
क्यु वेस्त
ईराक

Reply
ajnabi, on March 20, 2010 at 9:13 pm Said: Edit Comment

kuwaiti nagarikalai balatkar garaune e dalal ko pa6di pakkai k hi swartha luk ko 6 kuwaiti le usa lai k hi lova thekhaya kt dina vane pa6i matra yasale balatkrita garaya ko hona sak6 tyasai le yasalai gambir sochera dudhabasle yasalai kadha sajya garnu par6 yo kinai sano kura hoina ki asko room mai bolayara balatkrit garaunu tyasai le e dalal lai jasari pani sajaya dinu par6 yo hamro dudhabas sanga ko anurodha ho kina ki yo feri kasai bata nadhoriyos plz dudhabas

Reply
doma sherpaq, on March 20, 2010 at 9:16 pm Said: Edit Comment

theyo manab tasker lai karbhaieeeeeee garnu parew ! tapi haru lai 60kd ko ticket didai ma yaslai dhyanbad ani usle gareko pap jam 60kd ko thyeo ra ?

Reply
sapana, on March 20, 2010 at 9:54 pm Said: Edit Comment

yo pream dhakal danapa lai jasari pani karbahi garnai par6 6o kd ko tiket le matra hune vayata sabai le yastai kam gar6na tyasai le yasalai karbahi garna par6 vani hami sabai sathi haru duthabas sanga agraha gardha 6au aya ko natija sabai janata ko samu aunai par6 yasalai karbahi dinai par6

Reply
kedarkharel, on March 20, 2010 at 10:55 pm Said: Edit Comment

यस्ता दलाललाई तुरुन्तै कडा कार्वाही गर्नु पर्यो राजदूत महेदय ज्यु र राजन दाई धेरै धन्यवाद छ जसले यस्तो पीडालाई उजागार गर्न सफल हुनुभयो।

Reply
Bhakta, on March 20, 2010 at 11:29 pm Said: Edit Comment

Yosto dalal lai chittai karbahi garnu parchha,Yes ma mero pani sahamati 6a.kina vane ma pani yeskko haddai biroddhi ho.Ra hamro Rajdud mahodaya jiu lai mero tarfa bata yehi anurodh 6a.

Reply
pom hdr pandey, on March 21, 2010 at 11:31 am Said: Edit Comment

dherai ramro kaam gardai chha n.r.n. le + ambessy le kuwait ka news ta naya naya herana paincha tnx nepalkuwait.com

Reply
maikal, on March 21, 2010 at 12:18 pm Said: Edit Comment

sabai milera tyestalai ta karbai garnanai parchha AMBSSY KO matra pani bato herna hudaina jo man6le tyesto anitik kam garchha tyeko pani didi baini hola uni harulai pani tyestai bevar garema k hola?ani arko kura nepali chelile pani ali satarka huna paryo Bangali Mashri,indian wa kunai pani nationality sang prem gasnu bhanda pahila futureko kura sochnu hola

कुवैतमा बलात्कार पछि हत्या

nepalkuwait — Tue, 09 Feb 2010 22:18:46 +0000

केदार नाथ खरेल

कुवैत, (खैतान) जब मानवको दिमाखमा शैतानले डेरा जमाउन थाल्दछ तब ऊ आफ्नो मानविय कर्तव्यपथलाई भूलेर दानविय र क्रुर हिंस्रक बन्दछ। बिचरा के विगारेकी थिईन र तिनले जसलाई बलात्कार गरिकन हत्या गर्नु पर्यो कुवैतको खैतानमा हिजो बिहान घरका अन्य सदस्यहरु आ-आफ्नो काममा गएको मौका छोपी एक इजिप्सीसन नागरिकले पाकिस्तानीको घरमा पसेर बच्चाकी आमा भैसकेकि एक पाकिस्तानी नारीसँग जबरजस्ति बलात्कार गरेर पछि हत्या गरेको रहश्य खुल्न आएको छ।

भनिन्छ “मानवले एउटा पाप गरेपछि त्यो पाप लुकाउन अर्को पाप गर्न पुग्छ रे”। ठीक त्यस्तै त्यो इजिप्सीयन नागरिकले पनि आफ्नो पाप लुकाउन अर्को पाप गरेको खुल्न आएको छ। बलात्कार गरेर एउटा पाप त गरेकै थियो त्यस पश्चात उक्त अपराधलाई लुकाउन फेरी ति महिलाको हत्या गरि उक्त लाश फोहर फाल्ने कन्टेनरमा फालेको थियो।

निरअपराधमा कसैको ज्यान लिएपछि अपराधीले उसले गरेको अपराधले गर्दा बाटो देख्दैन र पछि उक्त अपराधले गर्दा हृदयमा अशान्तिको ज्वालाले हम्मेशा जलीरहनेछ। त्यति मात्र होइन उसले गरेको अपराधले गर्दा यस लोकमा पनि उसलाई आफ्नो अपराधको हिनता बोध हुन्छ भने मृत्यु पछि ईश्वरको कठोर यातनाको सिकार भएर हम्मेशा अग्निकुण्डमा जलिरहन्छ भन्ने विभिन्न धार्मिकग्रन्थमा उल्लेख छ।

हत्या, हिंसा, बलात्कार सामाजिक अपराध मात्र होईन धार्मिक अपराध पनि हो यस्तै जुवा-तास खेल्ने, मदिरा सेवन गर्नाले मानवलाई अपराधिक गतिविधीमा धकेल्ने हुँनाले यस किसिमको अपराधबाट हामी टाढै रहनु यस लोक र परलोक दुवैमा अवश्य नै फाईदा पुग्नेछ। “बाँच र बाँच्न देऊ” भन्ने सिद्धान्तलाई आत्मासात गरि समाजमा स्वच्छताको विकाश गरौं सभ्य नागरिकको परिचय दिऊ।

Filed under: समचार

« देश देखी बिदेश सम्म नेपालीको पिडा -छोटो टिप्पणी कुबेतमा लक्की गुरुङको अन्न पास्नी सम्पन्न »

5 Responses

डम्बर प्रसाद रिमाल, on February 6th, 2010 at 3:51 pm Said: Edit Comment

good news keep it up bro…..

Reply
RAJESH, on February 6th, 2010 at 10:30 pm Said: Edit Comment

samachar prakasit garda purai khulasta garera lekhema ramro hunthiyo. tyo naari ku desh ko ho??

Reply
Homnath, on February 7th, 2010 at 7:23 am Said: Edit Comment

i am agree with Mr. Rajesh,

tyo naari kun desh ko ho kasari maryo?samachar tira vanda sandesh tira badi jod diye jasto vayo,but thanks for good try

Reply
Pushparaj Tamang, on February 8th, 2010 at 11:34 am Said: Edit Comment

Dear Mr. Rajesh & Homnath, i really don’t know what are you talking about as you can see the nationality of the girl is clearly mentioned in the news… i guess you guys must go through the news before you comment…

Jadau

Reply
kedarkharel, on February 9th, 2010 at 10:15 pm Said: Edit Comment

Dear Mr. Rajesh & Homnath,you can see the nationality of the girl is clearly mentioned in the news

माउन्ट एभरेष्ट क्ल्बले एम.बि. बम्जन गोल्ड कपको भव्यताका साथ सुरुआत गर्‍यो

nepalkuwait — Tue, 09 Feb 2010 22:16:18 +0000

अर्जुन उदासी बस्नेत

आम्घरा कुवैत ०५ फेब्रुअरी
माउन्ट एभरेष्ट स्पोर्टिङ्ग क्लबले प्रत्येकबर्ष झै, यस पटक पनि एम.बि. बम्जन गोल्ड कप टुर्नामेन्टको औपचारिक रुपमा एक समारोहका बीच भव्यताका साथ सुरुआत भयो। माउण्ट एभरेष्ट स्पोर्टिङ्ग क्ल्बका अध्यक्ष किरण पौडयालको अध्यक्षता र नेपाली राजादुतावास कुवैतका सचिव पुष्पराज भट्टराईको प्रमुख आतिथ्यतामा उधघाटन गरिएको ,सो समारोहमा एम. बि. बम्जन गोल्ड कपका संस्थापक राजेन्द्र तमाङ तथा उहाँकी धर्मपत्नी लगायत कुवैतका विभिन्न संघसंस्थका पदाधिकारीहरुलाई पत्रकारहरुलाई समेत अतिथिको आसन ग्रहण गराईएको थियो । बिहान देखिनै नेपालीहरुको चहल पहलले भरिदै गएको अम्घारा फुटबल मैदानमा नेपालको राष्ट्रिय झन्डा कुवैतको राष्ट्रिय झन्डा र क्ल्बको झण्डाले उक्त् खेल मैदान सोभायमान देखिन्थ्यो। अतिथीहरुको सत्कारको निम्ति टेण्ट बनाइएको थियो भने चिया खाजाको पनि राम्रो प्रबन्ध गरिएको थियो । टुर्नामेन्ट्को औपचारिक उधघाटन गर्दै क्ल्बका उपाध्यक्ष धर्मराज गिरीले स्वागत मन्तव्य दिनुहुँदै, अक्टुबर सन् २००२ देखि स्थापना भएको एम.बि. बम्जन गोल्ड कप आज देखी माउन्ट एभरेष्ट एम. बि. बम्जन गोल्ड कप भएको घोषणा गर्दै खेलाडीहरुलाई हौसला दिंदै अनुशासित भएर खेल्न अनुरोध समेत गर्नु भयो । अतिथिको आशनबाट बोल्दै राजादुतावासका सचिव पुष्पराज भट्टराईले मरुभूमिमा नेपाली समाजको ,खेलप्रेमीहरुको र खेलाडीहरुको जोश र जागरको प्रशंशा गर्दै , राजदुतावासको बारेमा सामान्य जानकारी गराउदै औपचारिक रुपमा आधिकारिकताका लागि भने अरु केही समय लाग्ने भएको हुँदा थोरै समय धैर्य धारण गर्न सबै समुदायहरुलाई आग्रह गर्नु भयो । मन्तव्यकै क्रममा एम. बि. बम्जन टुर्नामेन्टका संस्थापक राजेन्द्र तमाङले गोल्डकप क्लवलाई हस्तान्त्रण गरे पनि आफुले निरन्तर सहयोग गरि रहने प्रतिवद्धता गर्नु भयो । खेलाडीहरुलाई अनुशासित भएर खेल्न आग्रह गर्दै बिगतमा भएका कमि-कमजोरीहरुलाई भुल्दै र सुधारदै लैजान अनुरोध गर्नु भयो । दर्शकहरुले टम्म भएको खेल मैदानमा अल्घानिम ,सुनौलो बिहानी, के पि टि सि , स्विडिस र वएल अल नुसिफ गरी ४ टिम लाई सहभागीता गराइएको थियो । उक्त टुर्नामेन्टको पहिलो खेल सुनौलो बिहानी र वएल अल नुसिफ बीच भएको थियो । समयमा नै शुरु गरिएको सो खेलमा दुबै टिमले राम्रो प्रर्दशन गरेका थिए । खेलको पहिलो हाफको अन्तिम तिर सुनौलो बिहानी ले १ गोल गरेको थियो भने खेलको दोश्रो हाफको शुरु तिर नै अर्को गोल थप्दै जितको लागि बलियो हुँदै रक्षात्मक खेल खेल्न थाल्यो खेल समयको अन्तिम तिर वएल अल नुसिफ ले १ गोल फर्कायो तर २ गोल गरेर बलियो भएको सुनौलो बिहानीले निर्धारित समयमा खेल पुरा गर्दै २ -१ ले खेल जित्दै सेमी फाइनल तिरको बाटो खोल्यो । टुर्नामेन्ट कै अर्को खेल अल्घानिम र स्विडिस बीच भयो गत बर्षका बिजेता र उप बिजेता तिनीहरुको खेल धेरै रोचक देखिएको थियो । मैदानमा धेरै आक्रमक रुपमा उत्रिएको अल्घानिम टिमले खेलको पहिलो हाफको मध्ये तिर १ गोल गर्दै अग्रता लिएको थियो भने दोश्रो हाफमा स्विडिसलाई पुरै नियन्त्रणमा राख्दै अरु २ गोल गर्दै ० को विरुद्ध ३ गोल अन्तरले आफ्नो पोल्टामा पार्न अल्घानिम सफल भयो । क्ल्बका उपाध्यक्ष धर्मराज गिरीका अनुसार विगतका दिनहरुको भन्दा अहिले खेलाडीहरुमा प्रशस्त अनुशासन भरिएको देखियो सोही कारण खेल निष्पक्ष र धाँधली रहित शान्त वातवरणमा सम्पन्न भएको र आगामी १२ फेब्रुअरीमा हुने खेलहरु अल-अमना र बिग थ्री तथा जासिम र ट्रस्ट टिमहरु बीच हुने जानकारी दिनु भएको भयो

साहित्यीक शुक्ला समाज कुवैत आजवाट अनेसास मा आवद्ध

nepalkuwait — Tue, 09 Feb 2010 22:13:06 +0000

समाचारदाता ०५।०२।२०१०
साहित्यीक शुक्ला समाज कुवैत गठन भएको दुई महिना नवित्दै यसलाई अन्तराष्ट्रिय नेपाल साहित्यीक समितीमा आवद्ध गरिएको छ । सो समितीले शुक्ला समाजलाई कुवैत च्याप्टरका रुपमा परिणत भई साजालको शाखाका रुपमा रुपान्तरण हुन गरेको आग्रहलाई शुक्लाको आज बसेको वैठकले स्वीकार गर्दै आवद्ध हुने निर्णय गरेको हो ।
शुक्ला समाजका अध्यक्ष राजन रिमालको अध्यक्षतामा बसेको वैठकले समाजको पुर्नगठन गर्नुका साथै सस्थाका सल्लाहकारहरुको समेत चयन गरेको छ । समाचार श्रोतका अनुसार परिमार्जित समितीको अध्यक्ष उपाध्यक्ष महासचिव सचिव र कोषादध्यक्षमा राजन रिमाल, आनन्द आर्चाय, तोयानाथ उपेक्षित, मनोज काफ्ले र अर्जुन बहादुर वस्नेत हुनुहुन्छ । यसरी नै सदस्यहरुमा विमल लामिछाने, पुर्खा पुन, केदार नाथ खरेल, नवराज पंथी, कृष्ण प्रसाद आर्चाय, भीम केसी, पूर्णीमा किराँत, गंगा राई, विष्णु पंथी र भूपाल राना “आभास” रहेका छन साथै संस्थमा सल्लाहकारहरु वालकुमार गुरुङ सुजन केसी आर वी बुढाथोकी ठाकुर प्रसाद पौडेल र मान बहादुर भुजेल हुनुहुन्छ ।

Filed under: समचार

« नेपाली प्रवासी संघ संस्था र तिनको कार्यालय व्यवस्थापन नेपाली घरेलु कामदार यूनियनको छैठौ वार्षिक साधारण सभा सम्पन्न »

2 Responses

ARUN, on February 6th, 2010 at 1:33 pm Said: Edit Comment

dherai ramro samachar sunaunu bhayo best of luck all of you.

Reply
Abiral Lamichhane, on February 6th, 2010 at 7:13 pm Said: Edit Comment

Rajan ji dheari khusi lagyo. Shkula Samaj ko utar utar pargati ko suva kamana

नेपाली प्रवासी संघ संस्था र तिनको कार्यालय व्यवस्थापन

nepalkuwait — Tue, 09 Feb 2010 22:09:11 +0000

तोयानाथ उपेक्षित

कुवैतमा नेपाली संघ संस्था र पाका व्यक्तित्वहरुले आफ्नो समुदायका नाममा हिजोको अवस्थामा जे जसरी कार्य गरे पनि अवका दिनमा हुने गतिविधी व्यवस्थित एवं मयार्दित हुन नितान्त जरुरी भैसकेको छ । यतिका संघ संस्थाको जन्म भईसक्दा समेत कसैसँग कार्य संचालनका लागि एउटा कोठा पनि छैन । एन आर एन कुवैत ले समेत एउटा भूमिगत संगठन जस्तो भएर कार्य सम्पादन कहिले कसैको घर त कहिले कुनै रेष्टुरेन्टको ग्राहक बनेर बे्रक फाष्ट मिटिङ गर्न वाध्य छ । अरु चल्ला संगठन त चल्ला नै भए माउ नै वेठेगान भईरहेका अवस्थामा । कुवैतमा यूनिटी लाईफ ईन्टरनेश्नलको गतिविधी र यसका सदस्य संख्यालाई नै हेर्ने हो भने पनि यो संजालले राम्ररी जरा गाडेको पाईन्छ । कमसेकम पाँच सय भन्दा माथि आफ्ना सदस्य विस्तार भईसक्दा पनि यसले सम्पर्क कार्यलय खोलेन । व्यवसायिक एवं व्यपारिक संस्थाको स्वभाव नाफा मुलक हुने भएता पनि आफ्ना माताहतका सदस्यहरुलाई संम्पर्क विहिनताको अवस्थामा सधैभरी राख्नु राम्रो होईन तर भईरहेको छ यस्तै कहिले महसुस गर्ने हुन यूनिटीका टाई बहादुरहरुले ।
कुवैतमा दुतावास स्थापना भईसकेको छ यस्तो लाग्छ अब कुनै सघ सस्थाको जरुरी नै छैन । दुतावास स्थापना हुने हल्ला र निर्णय भए पछि पलाएको प्रवासी कुवैतवासी नेपाली संघ संस्थाको सकि्रयता र उत्साह पनि खै किन हो विस्तारै सेलाउदै गए जस्तो देखिन्दैछ । कहाँ केहि नपुगे जस्तो कतै केही खड्किरहे जस्तो कताकता नून नहालिएको सब्जी जस्तो अवस्थाको अनुवोधले यो पंङतीकारलाई सताईरहेको छ । तमाम तपाई प्रवासीलाई पनि यस्तै लागि रहेको होला भन्ने मेरो बुझाई भए म माफी चाहान्छु तर यतिचाही पक्कै हो नेपाल कुवैत डट कम परिवार को सकि्रयता मात्र पर्यात हुन्न तपाई पनि आफ्नो समाजका लागि जागरुक हुन जरुती छ । मिडियाकर्मी प्रवासी पत्रकारले त तपाईको राम्रो कार्यलाई उजागर गर्ने र गल्तिहरुलाई औल्याउने मात्र न हो । यहाँ दुतावास छ अनि मिडिया अब अरु कोही किन चाहियो े भने जस्तो देखिन थाल्नु पक्कै राम्रो होईन ।
कुरो कार्यालयको स्थापना सम्बन्धमा नै केन्द्रित हुदै सगरमाथा क्लवका विषयमा थोरै चर्चा गरौ । यो संस्था प्रवासी कुवैतवासी नेपालीको ईतिहास वोल्ने पुरानो र एतिहासिक पृष्ठभूमि भएको वर्षौ पुरानो भए पनि एउटा कुनै पनि प्रवासीले यसको सम्पर्क चाहेमा जाने कहाँ हो थाह छैन संस्था छ भनेर मात्र पुग्दैन त्यसको भौतिक अस्तित्व हुन के जरुरी हुन्न साथीहरुले भन्नुहोला यो काठमाण्डौमा दर्ता संस्था हो कार्यालय पनि त्यहि छ तर यो यूक्ति संगत कुरा हुन सक्दैन अतः यो वा त्यो को कुरा हाईन कसैले पनि संस्थाको सम्पर्कमा सर्वसाधारणको पहुच र सहजताका लागि कार्यालाय राख्न जरुरी हुन्छ सवैले यसतर्फ ध्यान दिने वेला भईसकेको छ भन्ने आग्रह मात्र यो लेखको हो । यूनिटी सगरमाथा र एनआरएन ले अब पनि यो विषयमा कुनै सोच बनाउदैनन भने अरु त अरु भए ।
कुनै संस्थाले कतिवर्षको यात्रा पार गार्यो भन्ने कुराले त्यति महत्व राख्दैन । पाको व्यक्ति वा संस्थाको पगरी गुथेर गर्व गर्नु त्यति जायज पनि हुन्न पाको हुदैमा सवै भाग पाउने भए माधव नेपाल भन्दा पाका कयौ राजनितिज्ञ हुदाहुदै उनकै तालुमा आलु पाक्ने थिएन होला अतः हिजै जन्मिएका संघ संस्था किन नहुन यदि तिनको सकि्रयता कि्रयाशिलता र ईमान्दारिता छ भने कसैले रिस गर्न पर्छ भन्ने मलाई लाग्दैन । बरु मुक्त कंण्ठले पछि लागौ सहयोग गर्ने वानि वसालौ त्यसो गर्नाले नै हाम्रो समुदायको हित र उत्थानमा एउटा ईटा थप्ने छ ।
अहिले कुवैतमा मिडिया ग्रूप एउटा भरपर्दो संगठनका रुपमा स्थापित हुदै गएको छ । नेपाल कुवैत डटकम परिवारले सवै सकि्रय व्यक्तित्वहरुलाई कहि न कहि संगठित गरिहेको छ । खास गरि कला संगित र साहित्यको क्षेत्रमा रुची राख्नेहरुलाई संगठित मात्र गरेको छैन गतिविधी समेत गर्ने माच समेत प्रदान गर्दै आएको छ । सम्पूर्ण कुवैतवासी प्रवासी नेपालीहरुको ध्यान यहि समुह माथि केन्द्रित भईरहेको अवस्थामा वेव पत्रिकाको सह प्रकाशन छापा पत्रिका मरुभूमिको कोसेली समेत पे्रशमा पुगिसकेको छ र यहि महिनाको फेव्रवरी १९ का दिन मालिया स्थित होटल एषियाको सभाकक्षमा विमोचन गर्ने तयारी गर्दैछ । यो प्रकाशन परिवार सँग एघार वटा ल्यापटप दुई जना दक्ष कम्प्युटर प्राविधिक र ठुलो संख्यामा ईच्छुक समाचारदाता एवं सहयोगीहरु संगठित भैसकेका छन । विगतमा राजदुतको स्वागत कार्यक्रमलाई डब्लु डब्लु डब्लु डट नेपाल कुवैत डट कम मा प्रत्यक्ष प्रसारण गरेर आफ्ना प्राविधिक क्षमताको पहिचान दिईसकेको छ । मिडिया ग्रुपको उत्साह सकि्रयता र क्षमताका अगाडि प्रसस्तै सहयोगी हातहरु बढिरहेका छन । ती नेपाली भएकोमा गर्व गर्छन जसलाई मिडिया गु्रपले खोजी निकालेको छ र सम्मानपूर्ण हैषियत पनि प्रदान गरेको छ । आशम छ ती श्रद्धेय श्रष्टाहरुको मद्दतले मरुभूमीको कोसेली कुवैतमा दर्ता हुनेछ र यसले कानूनी हैसियत प्रदान गर्नेछ । अतः एउटा कार्यलयको सख्त जरुरत हामीले पनि महसुस गरेका छौ त्यो पनि अवस्य नै पुरा होला

नेपाल कुवैत साँस्कृतिक मंञ्चको रिर्ह्रसल शुरु

nepalkuwait — Tue, 09 Feb 2010 22:00:35 +0000

समाचारदाता ०५।०२।२०१०
नेपाल कुवैत साँस्कृतिक मंञ्चको साँस्कृतिक प्रहशन तयारी अभ्यास शुरु भएको छ । मंञ्चले नेपाली नयाँ वर्ष २०६७ को उपलक्ष्यमा प्रवासी नेपाली माझ भव्य साँस्कृतिक कार्यक्रम गर्ने निधो गर्दै गत महिनाको जनवरी १५का दिन ३१ सदस्यीय आयोजक समितिको निर्माण गरेको थियो सोही दिन वसेको आयोजक समितीको निर्णय अनुसार उक्त तयारी अभ्यास शुरु गरिएको हो ।
गतवर्षको दिपावलीको संर्दभमा प्रस्तुत साँस्कृतिक कार्यक्रमको भव्य सफलतावाट उत्साहित मञ्चले दोश्रो पटक यस प्रकारको मनोरन्जनात्मक कार्यक्रमको आयोजना गर्न लागेको हो । मञ्चले कुवैत वाहिर वाट कुनै पनि कलाकार आयात नगर्ने बरु यहाँ छरिएर तथा लुकेर रहेका प्रतिभाहरु लाई प्रोत्साहित गर्ने कुरा मञ्चका अध्यक्ष मान वहादुर भुजेल वताउनु हुन्छ । कुवैतको जीलेप स्थित एक रेष्टुरेन्टको हलमा थालिएको अभ्यास कार्यक्रम नौ अप्रील अघि सम्म चल्ने छ । आयोजक स्वय ले अभ्यास खर्च जुटाएर थालिएको उक्त कार्यक्रम सम्पन्न गर्न नेपाल कुवैत डट कम प्रवासी पत्रकार मंच कुवैत अन्तराष्ट्रिय नेपाली साहित्य समाज कुवैत च्याप्टर यूनिटी लाईफ जनजागि्रति टिम कुवैतको सहप्रायोजन रहने छ भने मंञ्चको ”नारा हाम्रो साँस्कृति हाम्रो पहिचान रहेको छ’‘ ।
माचले आफ्नो कला र सास्कृतिको जर्गेना गरी विदेशी भूमिमा रहेका नेपाली माझ मनोरन्जन प्रदान गर्ने तथा भविश्यमा यसलाई व्यवशायिक बनाउने उद्देश्य लिएको वताईन्छ

कुबेतको”एम.बी.बमजन मेमोरियल रनीङ शिल्ड गोल्ड कप”अब माउण्ट एभरेष्ट एम. बी.बमजन मेमोरियल रनीङ शिल्ड गोल्ड कप

nepalkuwait — Tue, 09 Feb 2010 21:57:16 +0000

आर.बी.बुढाथोकी(कुबेत)

०१ फेब्रुवरी२०१०, सिन्धुपाल्चोक जिल्ला डाँडा कटेरी गा बि स को गाथी गाँउमा सन १९६० मा जन्मनु भई बेलायती पल्टन जीवन पूरा गरि १९९५ पेन्सन भए लगतै कुबेत छिर्नु भएका राजेन्द्र तमाङ कुबेतबासी नेपालीहरु बिच एक परिचित नाम हो। एन आर एन आइ सी सी कुबेतको प्रथम अध्यक्ष समेत रहनु भएका तमाङ मिलनसार,प्रष्ट बक्ता,फरसिर्ला हुनुहुन्छ। लामो समयको कुबेत बसाइसँगै उहाँले कुबेतबासी नेपाली समाजलाईलाई दिनरात खटेर तन,मन,धनले गर्नु भएको योगदान कमै नेपालीले मात्र भुल्न सक्छ। राजेन्द्र तमाङ बिनाको जुनसुकै कार्यक्रम पनि केही अभाब खड्कीरहेको सबैले महसुस गर्छन। यसै क्रममा उहाँले कुबेतमा खेलकुद प्रर्ती गर्नु भएको योगदानलाई चाहेर पनि कसैले भुल्न सक्ने छैनन। ग्रामीण भेकको एउटा गरीब परिवारमा जन्मेर आफ्नै बलबाहु र अफ्ना स्व पिता एम।बी बन्जनको प्रेरणाले अहीलेको अबस्थामा पुगेको बताउने तमाङ सन १९९७ मा नेपालीहरु द्दारा कुबेतको स्थानिय मैदानमा आयोजित फूटबल खेल हेर्न परिवार सहीत पुगेको अबस्थामा त्यहा धेरै नेपालीहरु भेला भएका थिए ।

त्यो भेलाको , उत्साह र खेलको स्तर देखेपछी एक संगठित संस्थाको आबश्यकता महसुस देखेर उहाँहरुकै छलफल र तयारी गर्दै जादा सन १९९९ मा यहाँ माउन्ट स्पोर्ट स्पोर्टइङ क्लब को स्थापना भयो जस्को संस्थापक रुपमा अहीले सम्म रहनु भएको छ । क्लब को स्थापना पछी यसको क्रीयासिलताको लागि उहाँले आफनो संरक्षकत्वमा स्वर्गिय पिताको नामबाट एम बि बमजन मेमोरियल रनीङ शिल्ड गोल्ड कप स्थापना गर्नु भएको थियो । करीब पाच तोला सुनको शिल्ड र बिजेता टिमलाई नेपाली २५ हजार भन्दा बढी नगद जुन धनराशी बर्षेनी दिदै आउनु भएको छ उता खेलको संचालन तथा ब्यबस्थापन भने माउन्ट एभरेष्ट स्पोर्टइङ क्लबले नै गर्दै आएको छ । यस कपका स्थापक श्री राजेन्द्र तामाङ्गले एक औपचारिक समारोहका बीच मिति १८ डिसेम्बर २००९ मा क्लबको १०औ वार्षिक उत्सबमा क्लबका वर्तमान अध्यक्ष किरण पौडेललाई हस्तान्तरण गर्नु भए पश्चात यो कपको नाम “माउण्ट एभरेष्ट एम. बी. बम्जन गोल्ड कप” मा रुपान्तरण गरिएको छ। प्रत्येक बर्ष संचालन हुने यस प्रतियोगिता यस बर्ष पनि पूर्व घोषित कार्यक्रमानुसार नै ५ फेब्रुअरी २०१० का दिनदेखि अम्घाराको फूटबल मैदानमा ८ टीमको सहभागिता बीच बिहानको ९.०० बजे शुरु हुन गई रहेको छ। प्रत्येक शुक्रबार दुई म्याच नक्आउटको आधारमा खेलाइने यस प्रतियोगिताको फाईनल खेल भनें २६ फेब्रुअरी २०१० का दिन हुनेछ। उहाँको भनाइ एकै छ यो गोल्ड कप निरन्तर चली रहोस तर क्लबका भाबी योजना र यसको सम्रक्षण सबैबाट हुनु आबश्यक छ । आपसमा सदै मेल मिलापको भाबना बोकेर अघि बड्नु आजको आबश्यकता हो।

कुवैतको सफर जेलमा २३ पुरुष तथा २८ महिला सहित ५१ नेपलीहरु

nepalkuwait — Tue, 09 Feb 2010 21:55:15 +0000

आर.बी. बुढाथोकी

२९ जनवरी २०१० कुवैत,
कुवैतको जिलीब स्थित सफर जेलमा महिला तथा पुरुष गरी कति छन् भनेर प्रश्न गर्दा हालको रेकर्ड अनुसार पुरुष २३ तथा महिला २८ जना गरी जम्मा ५१ जना नेपालीहरु रहेको जानकारी पाएको खरेल बताउँछन्। सफर जेलमा रहेका नेपालीहरु मध्ये किरण गिरी, ज्ञान बहादुर रानामगर, अशोक रानामगर र जीतेन्द्र थापाको विगत लामो समय देखि चलेको मुद्दा फैसला भए पनि योगेन्द्र राईको मना सफर हटेको छैन। मलाई टिकट नबिकरण गर्न सहयोग गरिदिन बोलाएका थिए, त्यसै अवसरमा उक्त जानकारी पाएको भन्नुभयो।

विभिन्न कारणमा जेलमा परेका ५१ नेपालीहरुलाई भेट्न मित्र सिंजाली बाहेक अन्य कसैले पनि चासो नदिएको भन्दै किरण गिरी गुनासो पोख्नु हुन्छ। कुवैतमा राजदूताबास खुलेको छ राजदूतले हाम्रा लागि केही गर्लान् कि भन्ने आशा लिएका थियौं तर दुई महिना बित्न लाग्दा पनि दूताबासका कोही कर्मचारीहरुको अनुहार नदेखेपछि दूताबास हाम्रा लागि होईन रहेछ भन्ने बुझ्यौं। किरण गिरीले न्याउरो अनुहारमा भनेः धन कमाएर परिवारलाई सुख दिने आशामा विदेश आइयो, यसरी अर्काको देशमा जेलभित्र कुहिएर बस्नुपरेको छ। हाम्रो जेलभित्रको आवाज सम्बन्धित ठाउँमा पुर्याइदिए हामी सबै निकै आभारी हुने थियौं। छोटो कुराकानीको दौरानमा उनले आफ्नो र आफ्ना साथीहरुका पीडा पोख्दै गए। धेरैजसो साथीहरु सामान्य मुद्दामा परेका छन्। हामीले पनि कुनै जघन्य अपराध गरेका छैनौं तर सरकारको प्रतिनिधिले यहाँ आएर समन्वय गरी सजिलै छुट्याउन सक्थे तर केही गर्ने कसैले चासो नदिएपछि हाम्रो उद्दार कसले गरिदिने उनको प्रतिप्रश्न थियो। हाम्रो भन्दा पनि यहाँ रहेका नेपाली दिदी-बहिनीहरुको अवस्था निकै नाजुक छ र उनीहरुलाई हामीले भेट्न पनि सक्दैनौं। जति पनि महिला जेलमा परेकाछन् उनीहरुलाई भेट्न महिला प्रतिनिधि नै जानुपर्ने हुन्छ तर यहाँ महिला प्रतिनिधी नभएको हुँनाले तिनीहरुको आवाज सुनिदिने कोही छैनन्।
यसै क्रममा कुवैतका विभिन्न जेलमा डोल्मा शेर्पा सहित महिला पुरुष गरी लगभग २४२ जना नेपालीहरु भएको कुरा सरोकार वाला बताउँछन्। जसमा ३२ जना नेपाली महिलाहरुको साथमा बच्चा छन् भने कयौं गर्भवती पनि छ्न्। कुवैत जेलमा कुमारी आमाहरु प्रशस्त रहेका छन् । तर तिनका छोरा-छोरीको जिम्मा लिने बाबु कोही छैनन्। कानूनले दण्ड दिने डरले आफ्नो सन्तान हो भनेर थाहा भएर पनि लुकी छिपी बसेका छन्। कुवैतको कानून अनुसार सम्बन्धित देशका दूताबासले प्रमाणित गरेको अवस्था बाहेक विवाह दर्ता प्रमाण-पत्र बिना विवाह गर्न र बच्चा जन्माउन तथा सँगै बस्ने अनुमति छैन। गतवर्ष रुकुमकी पार्वती बस्नेतले जेलमै रहेको अवस्थामा आफ्नो पेटमा भएको बच्चालाई फ्याक्ने प्रयास स्व्ररुप दबाइ सेवन गर्दा अत्याधिक रक्तश्राप भएको हुनाले जेल अधिकारीहरुले थाहा पाएपछि बाल हत्या गरेको भनी अदालतले १४ बर्ष जेल कैदको फैसला सुनाएको थियो। जब कि उनी सामान्य घरबाट भागेर बाहिर रहँदा पुलिसले सपिङ महलमा समातेर जेल परेकी थिइन्। तर यदि त्यस्तो भ्रूण हत्या गर्ने काम नगरेको भएदेखि केही महिना पछि उनी सजिलै तबरबाट नेपाल जान सक्थिन्। उनका अस्थायी पति भने पार्वतीलाई यस्तो सजाय भएको थाहा पाएपछि उनी वेपत्ता भएका छन्।

काली गण्डकी वचत समुहकुवैत द्वारा मङगाफ मा भलिवल खेल सम्पन्न

nepalkuwait — Tue, 09 Feb 2010 21:53:35 +0000

अर्जुन उदासि बस्नेत

कुबेत मङगाफ जनवरी २९ मङगाफ खेल मैदानमा काली गण्डकी वचत समुहको आयोजनामा  भलिवल खेल सम्पन्न भयो । सो खेलमा आयोजक काली गण्डकी समुह का २ टिम, एस डि एफ सि का २ टिम , नयाँ नेपालका २ टिम ,अल्घानिम बाट १ टिम ,नेस्नल खराफी बाट १ टिम गरी जम्मा ८ टिमको सहभागीता थियो । शुक्रवार सबेरै सुरु गरियको उक्त्त टुर्नामेन्ट नकआउट प्रतिस्पर्दामा खेलाइयको थियो । बिहानै देखिको मरुभूमिको चिसो हावा र धुलोको सामाना गर्दै पहिलो  खेल अल्घानिम र एस डि एफ सि विच भएको थियो जस्मा बेस्ट अफ थ्री को सो गेम अल्घानिम ले लगातार २ म्याच जित्दै एस् डि एफ सि लाई नक आउट गरेको थियो , त्यसै गरी नयाँ नेपाल बि लाई आयोजक कालिगण्डकी ले ,के पि टि सि लाई नयाँ नेपाल ए ले र एस् डि एफ सि बि लाई नेस्नल खराफी ले नक आउट गरेका थिए ।
आ आफ्नो  खेल जित्दै सेमिफाइनल मा प्रवेश गरेका ४ टिम अल्घानिम ,नेस्नल खराफी ,कालिगण्डकी र नयाँ नेपाल ए थिए । जस्मा अल्घानिम र आयोजक कालिगण्डकी विच भएको सेमी फाइनलको  पहिलो म्याचमा अल्घानिमले आयोजक टिम लाई हराउदै फाइनल मा पुग्न सफल भयो भने सेमी फाइनल कै अर्को खेलमा नयाँ नेपाल ए ले नेस्नल खराफी लाई पछाडि पार्दै फाइनलको बाटो खोल्यो ।
सो टुर्नामेन्ट को फाइनल खेल कुबेत का खेलप्रेमी नेपाली हरुका माझ चर्चित टिम डिफेन्डिइङ च्यापिएन अल्घानिम र नयाँ नेपाल क्लब विच मनु भुजेलको निर्णायक रही    खेलाइएको उक्त  खेल धरै मनोरन्जनात्मक भएको थियो । थुप्रै दर्शक हरुको हुटिइङ का साथ पहिलो म्याच अल्घानिम ले १५ -१० ले जित्यो भने खेलको दोश्रो म्याच नयाँ नेपाल ले १५ -११ ले जित्दै बराबरी गर्‍यो र खेल बेस्ट अफ थ्री मा लम्कियो त्यसै गरी खेलको तेश्रो म्याचमा नयाँ नेपाल ले अल्घानिम लाई १५ -८ ले पछाडि पार्दै बिजेता बनेको नयाँ नेपाल क्लब का खेलाडीहरु धरै हर्षित  भएका थिए ।
अन्तमा आयोजक कालि गण्डकी वचत समुह द्वारा बिजेता र उप बिजेता हुने टिमलाई पुरस्क्रित गर्दै सो टुर्नामेन्ट को समापन गरियको थियो

कुबेतबाट १२ बर्षदेखी फर्केनन मंगलबहादुर आफन्त कुरेको कुर्‍यै

nepalkuwait — Tue, 09 Feb 2010 21:49:02 +0000

होम कार्की

‘उहाँ जाँदा सानो छोरी गर्भमै थिई,’ मनकुमारी गुरुङले भनिन्, ‘कहिले र्फकनुहुन्छ र कान्छी छोरीलाई बाबुको अनुहार देखाउने भनेर पर्खिबसेको छु ।’ यही आशामा उनी १२ वर्षदेखि पति मंगलबहादुरलाई पर्खेर बसेकी छन् । तनहुँ फिरफिरे ३ का गुरुङ २०५४ मा कुवेत गएका थिए । ‘गएको दुई महिनामा चिठी आएको थियो,’ उनले भनिन्, यसपछि सम्पर्क छैन ।’ उनका दुई छोरी छन् । जेठी मेलिना १४ र कान्छी प्रनिता १२ वर्षकी भइन् । उनको मन त्यतिखेर भक्कानो छुट्छ जतिखेर प्रनिताले बाबुको सम्झना गर्छिन् । गुरुङ विदेश गएको पहिलो वर्ष सासू र दोस्रो वर्ष ससुराको मृत्यु भयो ।

‘उहाँलाई बाबुआमाको मृत्युको खबर दिन पाएको छैन,’ उनले भनिन् । कमाउन गएका घरमूली बेपत्ता भएपछि उनी जग्गा अँधिया गरेर गर्जो टारिरहेकी छन् । गुरुङका जिम्मेवारीमा परिवारसँगै साना भाइबहिनीलाई पनि पालनपोषण गर्ने जिम्मेवारी थियो । दाजुको बेपत्ता भएपछि माइला भाइ भारत पसे भने कान्छा भाइबहिनी एसओएस बालग्राममा पढ्छन् । ‘श्रीमानको कतैबाट खबर आउँछ कि भन्यो, आउँदैन,’ निराश हुँदै भनिन्, ‘अब त र्फकनुहोला भन्ने आशा मरिसक्यो ।’

कास्की नार्गाजुन ५ का ४८ वषर्ीया भासुर गुरुङ पनि १० वर्षदेखि परिवारको सम्पर्कमा छैनन् । मजदुरमा मलेसिया गएको उनी तीन वर्षसम्म सम्पर्कमा थिए । ‘त्यसपछि अत्तोपत्तो छैन,’ उनका दाजु मीनकुमारले भने, ‘खोजी निकै गरियो तर पत्ता लगाउन सकिएन ।’ उनका अनुसार पैसा पठाउन आग्रह गर्दा भासुरले हात भाँचिएको फोटो पठाएका थिए ।

उनका चार बालबच्चा र श्रीमती छन् । ‘आम्दानी गर्ने व्यक्ति बेपत्ता भएपछि परिवारको गुजारा मुस्किलले चलिरहेको छ,’ उनले भने, ‘हामी तीन दाजुभाईले सहयोग गरिरहेका छौं ।’ उनको खोजीका लागि परराष्ट्र मन्त्रालयमा पूर्वसांसद दीपकबहादुर गुरुङले निवेदन दर्ता गराएका छन् ।

साउदी अरेबियाको ‘नासियार अली हाइडिर’ कम्पनीमा कार्यरत झापा तीनपैनीका तेजबहादुर अर्याल डेढ वर्षदेखि परिवारको सम्पर्कमा छैनन् । काम गर्ने अवधि सकेर घर हिँडेका अर्याल अहिलेसम्म आइपुगेका छैनन् ।

साउदीमा उनले चलाएको फोन नम्बर स्वीच अफ छ । ‘दमामबाट बराइन हुँदै काठमाडौं आएको भन्ने छ,’ बहिनी मनकुमारीले भनिन्, ‘तर त्रिभुवन विमानस्थल आइनपुगेको अध्यागमनको भनाइ छ ।’

अर्याल २०६३ मंसिरमा बिजुली प्राविधिकमा काम गर्न गएका थिए । ‘दाई बेपत्ता भएपछि आमाको अवस्था दिन प्रतिदिन नाजुक हुँदै गएको छ,’ मनकुमारीले भनिन्, ‘खोजीको प्रयास जारी छ तर कहाँ छन् भन्ने अनुमान लगाउन सकिएको छैन ।’

वैदेशिक रोजगारीमा गएका कामदार हराउने घटना बढन थालेको छ । तर बेपत्ता हुनेको तथ्यांक यकिन छैन । बेपत्ताका परिवारले खोजी गरिदिन परराष्ट्र, राष्ट्रिय मानव अधिकार आयोग र मानव अधिकारवादी संस्थामा निवेदन दर्ता गराएका छन् । ती निकायमा दर्ता निवेदनअनुसार साउदी अरेबिया, संयुक्त राष्ट्र इमिरेट्स, कुवेत र मलेसियामा गएका कामदार बढी हराएका छन् ।

‘हराएको मान्छेको अवस्था बुझिदिन परराष्ट्र मन्त्रालयलाई स्पष्ट ठेगानासहित दिँदा पनि मान्छेको अवस्था पत्ता लागेको छैन,’ साउदीमा पाँच महिनादेखि सम्पर्कविहीन

मिलन विकका भिनाजु प्रकाश बियालीले भने ।

बेपत्ता कामदारको खोजी गर्न परराष्ट्रले बलियो संयन्त्र नबनाएको पीडितको गुनासो छ । ‘कन्सुरलमा दर्ता हुनेबित्तिकै खोजी गर्न दूतावासलाई तुरुन्तै पठाउँछौं,’ खाडी मुलुकको समन्वय गरिरहेका अर्जुन पन्त भन्छन्, ‘यस्ता मुद्दामा गम्भीर भएर लागिरहेका हुन्छौं ।’

दूतावासका अधिकारीका अनुसार बेपत्ता भनिएका कामदारहरू जेलमा हुने गर्छन् । खाडी तथा मलेसियामा यौन दुराचार, लागूऔषध सेवन तथा व्यापार, हत्याको अभियोग, लुटपाट, चोरीलगायत मुद्दामा कम्तीमा पाँच सयभन्दा बढी नेपाली कामदार जेल जीवन बिताइरहेका छन् ।

धेरैजसो कामदार क्षतिपूर्ति वा धरौटी तिर्न नसकेर जेलबाट छुट्न सकेका छैनन् । ‘जेलमा बस्ने अधिकांश कामदार नाम फेरिदिन्छन्,’ साउदीको रियादस्थित नेपाली दूतावासका प्रथम सचिव खडगप्रसाद दाहाल भन्छन्, ‘यसले गर्दा पत्ता लगाउन मुस्किल पर्छ